Militär
Saaaliiii ihr Zivilischte =)
eis vorwäg: ihr händ scho es schööns läbe 
Aber ich muss säge bi mir im Militär laufds au nid schlächt und drum hani dänkt chenti wiedermal en Blogitrag schribe.
Ich han bis jetzt 7 Wuche RS gmacht (Liestal) und nechscht Wuche isch mini letscht Wuche Unteroffiziersschuel in Colombier (9 Wuche UOS). Nachher gahts wiiter in Offiziers Lehrgang uf Bern für 4 Wuche. Und däääänn…. i 5 Wuche =) hani FERIEEEE für 2 Wuche! Mal luege wasi dänn mach… aber swird sicher rächt abgah 
Nach dene Ferie gahts den hart zue und her. Den heissts für mich, ab id Offiziers Schuel uf Thun. Det mach isch Panzer OS und das heisst es wird härt, es wird brutal härt. Aber das isch halt Päde…. de brucht das =) Ihr känned mich jo 
Ja und den am 22. November weni den mal Offizier bin, isch den für mich sMilitär au fertig und den gahts furt vode Schwiiz für längeri Ziit. Aber bis es so wiit isch, werded warschinlich no paar Blogiträg cho, was ich so mache, erläbe und was abgaht. Es git halt eifach nid soo viel zverzelle ussert Militärstorys…
Demit de Blogiträg nid nur us Text bestaht hani dänkt add ich no zwei Picts =)
Meh Millione Fotene findet ihr uf Facebook (für die wos nöd wüssed)!
Die Madame het eus oft bim Zmittag bsuecht und immer giierig glueget wenns Fleisch geh het =)
Ja und das wer ich nachhere Nachtüebig. Genau 1.5h hani gschlafe. Aber immerno am smile =) wie sichs ghört
Bis baaaald…!!!!!
Päde
February 21st, 2009 at 10:03 pm
Hoi…
Hesch chlii Französisch glehrt…? (Be üüs froged sech amigs alli, werom ech so aafäu ha, woni nor no FR rede…*cut* )
Die esch schnusig… Voll am d Sonne gniesse… (Aber die langbeinige Parson send emmer no schöner, comme tu sais…)
Zom ondere Böud sägi nor GRÜÜÜÜÜÜÜÜEN =) (ond chlii blau…=p)
Ond–>Das Foti cha nor a de Fasnacht oder im Militär uufgnoh worde sii… Wobi s erschte om weiss au ned wie vöu Tuusig mou besser esch…! (Mini Meinig)
LG ond es schöns Weekend